Arestado ng mga awtoridad ang isang High Value Individual na nakumpiskahan ng pitong pakete ng pinaghihinalaang shabu sa isinagawang buy-bust operation sa New Market, Old Buncag Road, Barangay Mandaragat, Puerto Princesa City nito lamang ika-17 ng Nobyembre 2024.
Kinilala ang naaresto na si alyas “Rid”, 49 taong gulang, lalaki, at residente ng Barangay Bagong Silang at nakatala bilang High Value Individual.
Naaresto ang suspek sa pangunguna ng Regional Police Drug Enforcement Unit, Police Station 1, Anti-Crime Task Force at Philippine Drug Enforcement Agency-Palawan.
Nabilhan ang suspek ng isang pakete ng shabu at nakuha sa kanyang pangangalaga ang kabuuang anim na sachet ng ilegal na droga at ilang drug paraphernalia.
Samantala, mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang kapulisan ay nananatiling matatag sa pangakong patuloy na pagpapaigting sa kampanya kontra ilegal na droga. Ito ay bahagi ng pagsisikap ng PNP na gawing ligtas at maayos ang pamayanan dahil dito sa Bagong Pilipinas, Ang Gusto ng Pulis, Ligtas ka!.
Source: 104.7 XFM Palawan
Panulat ni Patrolwoman Ana Rose D Guadaña
