Camp Bagong Diwa, Taguig City — Umarangkada ang programa ng National Capital Region Police Office na “Serbisyong Tama Caravan” nito lamang Agosto 5, 2022 na ginanap sa Hinirang Multi-Purpose Hall, Camp Bagong Diwa, Bicutan, Taguig City.
Ang caravan ay bilang pagkilala sa natatanging kontribusyon ng bawat tauhan ng NCRPO sa kanilang dedikasyon sa kanilang paglilingkod.
Naisakatuparan ito sa pangunguna ni Police Colonel Romy Palgue, Hepe ng Regional Community Affairs and Development Division.
Ito ay kaugnay sa pagdiriwang sa ika-121 Anibersaryo ng Pulisya na may temang: “Matibay na Ugnayan ng Pulisya at Mamamayan, tungo sa Pagkakaisa, Kapayapaan at Kaunlaran.”
May 400 na tauhan ng NCRPO ang nabenipisyuhan ng mga iba’t ibang serbisyong inaalok ng mga ahensyang naroon sa programa tulad ng medikal at dental ng Regional Health Unit, cenomar at National ID ng Philippine Statistics Office, life insurance ng PRU Life UK at iba pa, kung saan nakatanggap pa sila ng mga discount, freebies at mga libreng produkto.
Sa ipinarating naman na mensahe ni PCol Palgue galing kay NCRPO Regional Director PMGen Felipe Natividad, aniya, “Ang kontribusyon ng kanyang bawat tauhan ay consequential sa Community Relations na siyang puso ng bawat police operations upang makamit ang vision at mission ng organisasyon.”
Source: PIO NCRPO
###
Panulat ni PSSg Remelin M Gargantos
