Sa ilalim ng programa ng RMFB 11, Revitalized-“Santa” Pulis sa Barangay, isang mag-aaral ang nakatanggap ng isang bagong cellphone bilang maagang pamasko ng mga tauhan ng R-PSB Team Marilog sa pangunguna ni PSMS Mario N Premacio Jr. sa ilalim ng pamumuno ng kanilang team leader na si PLt Joseph Miguel D Crisologo kasama si Pat. Pedrosito G Ravamonte Jr, Asst. PCR PNCO, 1105th MC, RMFB 11 sa Sitio Marahan, Brgy. Marilog Proper, Marilog District, Davao City.
Ang cellphone na ipinagkaloob nila sa batang si Mary Joy A. Banggaan, isang Grade 11 student ay malaking tulong upang maibsan ang hirap nito sa pag-aaral at upang mapadali ang pagpasok nito sa kanilang online class.
Alam ng grupo ng R-PSB Team Marilog ang kahalagahan ng edukasyon. Bagamat ito ay isang maliit na paraan lamang ng pagtulong, ito ay may malaking epekto sa buhay ng isang tao.
Lubos naman ang kasiyahan ng R-PSB sa mga salita ng pasasalamat ni Mary Joy at ng kanyang ina nang matanggap nito ang mobile phone dahil alam niyang maaari pa niyang ituloy ang kanyang online class sa darating na pasukan.
Ang inisyatibong ito ng RMFB 11 R-PSB ay nagpapakita lamang ng malalim na pagmamahal at pagmamalasakit nila sa lahat lalo na sa mga kabataan at upang naipadala ang diwa ng Kapaskuhan sa gitna ng pandemya.
?RMFB11RPSB
####
Panulat ni: Police Corporal Mary Metche A Moraera
