Sa loob ng 14 taong pagtatago sa batas, nasakote ng kapulisan ang Rank 9 Municipal Most Wanted ng Juban, Sorsogon sa Brgy. Tatalon, Banawe, Quezon City noong November 9, 2021 dakong alas 8:00 ng umaga.
Nahuli ang nasabing suspek sa pinagsanib pwersa ng mga operatiba ng Juban MPS sa pamumuno ni PLt Jonathan M Hapa, kasama ang PS11 Galas Station, QCPD, Regional Intelligence Unit 5, at Provincial Intelligence Team 4 sa bisa ng Warrant of Arrest sa kasong Murder na may Criminal Case No. 06-6789 na binaba ng RTC Branch 53 noong January 9, 2007.
Kinilala ang suspek na si Noel Escueta Sipulbida, dating residente ng Rangas, Juban, Sorsogon, 37 anyos, may asawa, at laborer.
Kasalukuyang nasa pangangalaga ng Juban MPS ang suspek para sa wastong disposisyon ng kanyang kinakaharap na kaso.
Source: Juban MPS, Sorsogon PPO
#####
Panulat ni: Patrolman Cristopher D Ignacio
