Negros Oriental – Matagumpay na isinagawa ng mga tauhan ng Siaton Municipal Police Station ang Sagip-Ilog Project sa pamamagitan ng pagtatanim ng mga puno na ginanap sa Barangay Caticugan, Siaton, Negros Oriental nito lamang Linggo, Hulyo 18, 2023.
Ang aktibidad ay pinangunahan ng mga tauhan ng naturang istasyon sa pangangasiwa ni Police Major Alvin Llamedo, Officer-In-Charge, kasama ang mga opisyales at councilor ng naturang barangay sa pangunguna ni Brgy. Capt. Amada Alanano.
Nakilahok din sa naturang aktibidad ang mga miyembro ng Barangay Peacekeeping Action Teams (BPATs), Barangay Health Worker (BHW), RECON SARGE7 at Adventist Community Service bilang Mga Advocacy Support Groups at force multipliers.
Tinatayang nasa mahigit 100 piraso ng mga punong namumunga ang naitanim ng naturang grupo.
Ang aktibidad ay ang programa na isinusulong ng istasyon para mapangalagaan at mapanatili ang kagandahan ng kalikasan.
Siniguro naman ng buong hanay ng Siaton MPS at ng mga katuwang nito na kanilang ipagpapatuloy ang pagkakaroon ng malasakit sa mga programa para sa mabilis at tagumpay na pagkamit ng usaping pangkaayusan, pangkapayapaan, at pangkaunlaran para sa ating inang kalikasan.
