Ganadong nagsagawa ng Dance Fitness Activity ang mga tauhan ng Regional Community Affairs and Development Unit (RPCADU NCR) sa mga residente ng Barangay IVC, Marikina City nito lamang umaga ng Linggo, Pebrero 18, 2024.
Ang nasabing aktibidad ay isinagawa sa pangunguna ni Police Lieutenant Colonel Randy D Alagao, Office-In-Charge, RPCADU NCR kasama ang mga tauhan ng Marikina City Police Station.
Aktibong nakilahok at nakihataw ang mga nanay sa nasabing aktibidad at labis nilang ikinatuwa sa pagbisita sa kanila ng kapulisan.
Kasabay din nito, nagsagawa din ang kapulisan ng Feeding program para sa mga nakatira sa naturang barangay.
Ang aktibidad ay isinagawa alinsunod sa PNP Community Outreach Program na tumutulong sa pagdadala ng mga Serbisyo at Programa ng PNP sa Komunidad. Ito ay ginawa sa buong kooperasyon ng mga Barangay Officials na nagpapakita ng mabisang pagtutulungan ng pamahalaan at ng mamamayan.
Panulat ni PSSg Remelin M Gargantos
