Nagsagawa ng Road Clearing Operations ang mga awtoridad sa mga natumbang mga puno sa kalsada sa Barangay Dassun, Solana, Cagayan, ngayong araw, ika-15 ng Nobyembre 2024.
Ang aktibidad ay isinagawa ng mga tauhan ng 4th Mobile Force Platoon, 1st Cagayan Provincial Mobile Force Company at PNP Solana, katuwang ang Bureau of Fire Protection (BFP), Municipal Disaster Risk Reduction and Management Office (MDRRMO) ng Solana at maging mga residente at opisyales sa barangay.
Makikita ang di-mabilang na pagpapakita ng bayanihan sa isinagawang kinaugalian ng bawat mamamayang Pilipino na patuloy na namamayani sa mga ugat ng bawat mamamayan, ay isang malaking tulong sa muling pagbangon ng probinsya ng Cagayan mula sa mga pinsalang dulot ng bagyong Ofel.
Samantala patuloy naman ang bawat hanay ng ating mga kapulisan na maglingkod at tumulong upang magpatuloy ang muling pagbangon ng probinsya ng Cagayan mula sa mga epekto ng bagyong Ofel.
Ang bayanihan at pagtutulungan ng bawat isa ay nagpapakita ng katatagan at malasakit ng mga taga-Cagayan sa kabila ng pagsubok na sa kanila ay dumaan sa bawat mamamayan tungo sa Bagong Pilipinas.
Source: CPPO
Panulat ni Pat Richelle Ledesma
