Taguig City — Namahagi ng relief goods ang mga tauhan ng 7th Mobile Force Company ng Regional Mobile Force Battalion sa mga kapatid na Muslim sa Blue Mosque Maharlika, Taguig City nito lamang hapon ng Huwebes, Marso 23, 2023.
Pinangunahan ang programa ng mga kapulisan mula sa SALAAM sa ilalim ng pangangasiwa ng Police Captain Jul-Musa S Saat, Company Commander sa pamamagitan ng gabay ni Police Colonel Jonathan Calixto, Force Commander ng RMFB-NCRPO.
Ito ay kaugnay sa darating na selebrasyon ng Ramadan, kaya namigay ang grupo ng 40 piraso ng relief goods na binubuo ng 2 kilo ng bigas bawat cellophane bag.
Ang ganitong uri ng aktibidad ay nagsisilbing karagdagang tulong sa Muslim Brothers at Sisters na nagpapakita ng malasakit sa kapwa sa panahon ng krisis upang suportahan ang isa’t isa sa iba’t ibang aspeto ng pagtulong.
Source: 7th Mobile Force Company Rmfb
Panulat ni PSSg Remelin M Gargantos
