Pinangunahan ng Revitalized-Pulis Sa Barangay (R-PSB) Cluster 2 ang isinagawang Quick Impact Project na may pinamagatang “Light Up the Night: Kahayag Alang sa Katawhan” nito lamang Setyembre 16, 2024 sa Sta. Cruz, Davao del Sur.
Ang programang ito ay nakapagtayo ng mga solar light sa Sitio Baybay Lubo at Sitio Luceba Lubo kung saan tinatayang 90 na pamilya ang makikinabang sa mas maliwanag at ligtas na mga gabi.
Ang naturang solar light ay nagmula sa Davao del Sur Police Provincial Office ELCAC Fund at naitayo sa tulong ng mga residente ng mga nasabing barangay.
Samantala, aktibo namang nakikipag-ugnayan ang mga tauhan ng bawat R-PSB sa mga lokal na pamahalaan at pribadong sektor upang matiyak na makapagbahagi ng nararapat na tulong sa mga nangangailangan.
Panulat ni Pat Shairra Rose A Aquino
