Tumulong ang mga pulis ng Daraga Municipal Police Station sa pangunguna ni PLtCol Edgar E Azotea, Chief of Police sa maayos at ligtas na decampment ng mga evacuees na lumikas dahil sa pananalasa ng Bagyong Ada bandang alas 8:40 ng umaga nitong Enero 18, 2026.
Mula sa mga evacuation center sa Anislag Resettlement White House, Daraga Albay, nagbigay ang kapulisan ng seguridad at assistance habang unti-unting bumabalik ang mga pamilya sa kani-kanilang mga tahanan sa Barangay Matnog at Baṅadero sa nasabing bayan.
Ayon sa Daraga PNP, patuloy ang koordinasyon nila sa lokal na pamahalaan ng Daraga, Albay at iba pang ahensya upang matiyak na ligtas ang mga lugar bago payagang makauwi ang mga evacuees.
Patuloy pa rin ang kanilang monitoring at pinayuhan ang publiko na manatiling alerto at sumunod sa mga abiso ng mga awtoridad.
