Inilunsad ang Proyektong “Libreng Gamit ng Motor at Bisikleta Pangkabuhayan Sagot ni Hepe” ng mga tauhan ng Police Station 3 ng Angeles CPO, para sa mga pamilya, kamag-anak ng mga tauhan ng PNP maging sa mga mamamayan ng Barangay Pulung Maragul, Angeles City, nito lamang Byernes, ika-17 ng Mayo, 2024.
Pinangunahan ito ng mga tauhan ng Police Station 3 ng Angeles City Police Office, sa ilalim ng pamumuno ni PMaj Alfred R Andal, Station Commander, katuwang ang stakeholders na Philippine Korean Group (Angeles City Chapter).
Ang aktibidad na ito ay dinaluhan ng ating mga Korean Stakeholders, Pastor Mark Samuel Pajuelas, Faith-based Adviser, at Hon Edgar Avillon, Barangay Captain ng Barangay Pulung Maragul, Angeles City.
Ang Proyektong ito ay naglalayong tulungan ang mga pamilya at kamag-anak ng mga tauhan ng PNP na nangangailangan ng tulong upang makapagsimula ng kabuhayan at pinalawak din para sa mga tao sa komunidad na nagpaplanong magsimula ng negosyo ngunit kulang sa kapital.
Ang mga ganitong proyekto ay nagpapakita ng hangarin ng PNP na hindi lamang magsilbi at proteksyunan ang mamamayan, kundi pati na rin maging kaagapay at kaakibat ng komunidad para sa mas maginhawang pamumuhay upang maiwasan din ang masangkot sa mga ilegal na gawain sa oras ng kahirapan.
