Tagbilaran City, Bohol – Patuloy na isinasagawa ng mga kawani ng Tagbilaran City Police Station ang Project R.E.A.L (Reading Enhancement, Assessment and Literacy) Police Mobile Library on the Go at Palugaw ni Manang Hepe sa Dao Elementary School, Barangay Dao, Tagbilaran City, Bohol nito lamang ika-7 ng Setyembre 2022.
Ang aktibidad ay aktibong pinangunahan ni PCpt Romar T Labasbas na pinangangasiwaan ni Police Lieutenant Colonel Regie P Real, Hepe ng Tagbilaran City Police Station, katuwang ang Bureau of Fire Protection, Pamahalaang Lungsod ng Tagbilaran City sa pamumuno ni Municipal Mayor Jane Yap, McDonald’s, Dunkin Donuts, Dalareich Polot at ni TCPS Life Coach Pastor Reysam Carvero.
Nasa mahigit sa 150 na mga mag-aaral ang nahandugan ng pagkain gaya ng libreng lugaw at tinapay at nagbahagi din ng mga librong babasahin na lubos na nakapagpasaya sa mga bata.
Layunin ng aktibidad na maipadama ang malasakit sa mamamayan at makapagbigay ng tulong at saya upang mas lalo pang mapagtibay ang ugnayan sa pagitan ng mamamayan at kapulisan.
Panulat ni Patrolman Carl Philip Galido
