Eastern Samar – Muling umarangkada ang programang P.N.P. C.A.R.E.S na nangangahulugang Pencil-Notebook-Paper Crayons-Art Book-Ruler-Eraser-Sharpener ng Eastern Samar Police Provincial Office sa Anislag Elementary School, Brgy. Anislag, Quinapondan, Eastern Samar nito lamang Miyerkules, Setyembre 7, 2022.
Ang programa ay isa sa mga Best Practices ng Eastern Samar PPO sa pamumuno ni Police Colonel Matthe L Aseo, Provincial Director kasama ang Police Community Affairs and Development Unit sa pangangasiwa ni Police Lieutenant Colonel Rommel N Cesista, Chief PCADU at 2nd Eastern Samar Mobile Force Company sa pamumuno naman ni Police Lieutenant Colonel Rolando C Dellezo, Acting Force Commander.
Sa kabuuan ay mayroong 97 multi-grade elementary learners (Kindergarten hanggang Grade 6) ang nabigyan ng iba’t ibang klase ng school supplies.
Layunin ng programa na magkaloob at mamigay ng mga pangunahing gamit sa paaralan sa mga mag-aaral at mga batang nabubuhay sa ilalim ng linya ng kahirapan.
Nais din ng gawaing ito na maitanim sa isipan ng publiko na bukod sa pagpapanatili ng kapayapaan at kaayusan sa komunidad, sinusuportahan ng PNP ang mga bagay na makakabuti sa kanilang nasasakupan.
Sa pamamagitan ng aktibidad na ito, nagkakaroon ng matibay na pakikipagtulungan at pinapalakas ang pakikilahok ng komunidad sa mga programang pangkapayapaan at kaligtasan ng publiko.
Source: Eastern Samar Police Provincial Office
