Maguindanao del Norte – Matagumpay ang isinagawang One-Time, Big-time Simultaneous Tree Planting Activity sa Camp BGen Salipada, Pendatun Parang, Maguindanao del Norte at sa Brgy. Orandang, Parang, Maguindanao del Norte nito lamang ika-26 ng Enero 2024.
Pinangunahan ni Police Brigadier General Allan Cruz Nobleza, Regional Director ng Police Regional Office BAR, ang nasabing aktibidad at may kabuuang 2,270 na punla ang itinanim.
Kabilang ang 1,820 na fruit bearing seedlings gaya ng guyabano, avocado, calamansi at mangosteen; 450 na punongkahoy tulad ng mahogany at narra.
Ang nasabing aktibidad ay dinaluhan din ng Ministry of Environment, Natural Resources ang Energy BARMM na pinapangasiwaan ni Forester Faisal U Akmad, MPA, CENRE Officer; Honorable Farhana M Aron, Chairwoman ng Brgy. Orandang Parang; Dr. Saudi Mangindra, Chief of Operations, Agricultural Services, MAFAR-BARMM; Police Colonel James E Gulmatico, Deputy of Regional Director for Administration, PRO BAR; Police Colonel Juluis Cecil S Ordoño, Deputy Regional Director for Operations, PRO BAR; mga Chiefs ng Regional Staff; mga miyembro ng Advocacy Support Group; at ang mga kalalakihan at kababaihan ng PRO BAR.
Layunin ng aktibidad na palakasin ang ugnayan sa pagitan ng pulisya at komunidad upang suportahan ang pamahalaan para sa kapayapaan at pangangalaga sa kalikasan at pagsusulong ng PRO BAR na kilala bilang isa sa pinakamalinis, pinakaluntian, at pinakamagandang kampo sa buong bansa.
Patunay lamang na ang PRO BAR ay sumusuporta sa mga adbokasiya at programa ng pamahalaan para sa maayos at mapayapang kapaligiran.
Panulat ni Patrolwoman Ma. Señora J Agbuya
