Cotabato – Personal na binisita at nag-abot ng tulong pinansyal si Police Colonel Rogelio Raymundo, Jr., PRO12, Deputy Regional Director for Operations (DRDO), sa pamilyang naulila ni PSSg Rudy Verona Amihan at sa dalawa na sugatang pulis sa Brgy. Nueva Vida, M’lang, Cotabato noong Nobyembre 25, 2022.
Matatandaang binuwis ni PSSg Amihan ang kanyang buhay ng sila’y nagsagawa ng Hot Pursuit Operation sa mga armadong suspek na sangkot sa Robbery Hold-up sa bakery and food house sa Barangay Bagontapay, M’lang, Cotabato noong ika-23 ng Nobyembre 2022.
Alinsunod sa programang PRO 12 H.E.A.R.T. Mutual Fund na inisyatibong inilunsad ni PBGen Jimili Macaraeg, Regional Director ng Police Regional Office 12, Php133,010 ang naibigay na tulong pinansyal sa sugatang pulis na si Patrolman Herzon A Neyra habang Php203,450 naman ang natanggap ni Police Corporal Noli G Labesores para sa kanilang agarang pagpapagamot at paggaling.
Samantala, personal namang nag-abot si PCol Reymundo Jr. ng Php168,230 sa naulilang asawa ni PSSg Amihan Jr. na si Mrs. Leslie Jean B. Amihan.
Giit naman ni PBGen Macaraeg, na ang kapakanan ng kanyang mga tauhan ang pinaka-importante sa lahat. Sa ganitong sitwasyon ay ang agarang tulong pinansyal ang kailangan ng pamilya ng nasugatang mga pulis at sa pamamagitan ng H.E.A.R.T. Mutual Fund, PRO 12 ay agarang nakapag-abot ng tulong sa naulilang pamilya at sa mga sugatang kapulisan.
Source: Police Regional Office 12 – Public Information Office
Panulat ni Patrolman Khnerwin Jay A Medelin
