Nagpatupad ng mahigpit na seguridad ang PNP at iba pang security forces sa unang araw ng Filing of Candidacy para sa 1st BARMM Parliamentary Elections sa Cotabato City, noong ika-4 ng Nobyemre 2024.
Pahayag ni Cotabato City Police Director, Police Colonel Michael John Mangahis, 550 Police at Military Personnel ang naka-deploy sa loob at labas ng Bangsamoro Government Center para tiyakin ang seguridad at kaligtasan ng lahat sa Filing of COC mula November 4 to 9, 2024.
Masusing iniinspeksyon ang mga sasakyan at mga taong pumapasok sa Bangsamoro Government Center.
Ang kauna-unahang halalan para sa parlamento ng Bangsamoro Autonomous Region in Muslim Mindanao (BARMM) ay itinuturing na makasaysayan.
Layunin nitong bigyan ang mga mamamayan ng BARMM ng mas malakas na boses sa pamahalaan, habang isinusulong ang kapayapaan, kaunlaran, at pag-unlad ng rehiyon.
Panulat ni Patrolwoman Veronica Laggui
