Naging bahagi ng Best Practice Tour for the Validation of the 2026 Presidential Award for Child-Friendly Municipality and City (PACFMC) ang PNP Child Development Center (CDC) sa Camp BGen Rafael T Crame, Quezon City noong Setyembre 29, 2026, kung saan tampok ang child-friendly na mga programa, pasilidad, at learning environment ng Center.
Pinangunahan ng Child Development Service Provider (CDSP) personnel, sa pamumuno ni PBGen Vina H Guzman, Director ng Police Community Affairs and Development Group (PCADG), ang suporta sa maayos na pagsasagawa ng aktibidad.
Dumalo rin sa aktibidad ang mga opisyal at kinatawan ng PNP OLC Foundation, Inc. (PNP OLCFI), sa pangunguna ni Mrs. Mary Rose O. Nartatez, PNP OLCFI National Adviser, kasama si PCol Nieves Dela Peña, Chief ng Family, Juvenile, Gender, and Development Division (FJGADD). Mainit nilang tinanggap ang mga kinatawan mula sa Department of the Interior and Local Government (DILG) at Early Childhood Care and Development (ECCD)–Social Services Development Department (SSDD), na nagsilbing validators at observers.
Bilang bahagi ng validation, isinagawa ang pag-iikot at pagmamasid sa mga pasilidad ng PNP CDC, kabilang ang mga learning spaces ng Pre-Kindergarten 1 at Pre-Kindergarten 2. Sinuri rin ang mga kaugnay na dokumento ng mga Child Development Teachers, gayundin ang mga programa, pasilidad, learning environment, at iba pang child-friendly initiatives na ipinatutupad sa Center.
Naging pagkakataon din ang aktibidad upang maipakita ang mga mabubuting gawain at inisyatiba ng PNP CDC sa pagsusulong ng karapatan, kapakanan, proteksiyon, at maayos na pag-unlad ng mga bata, bilang bahagi ng patuloy na suporta ng PNP sa child development at sa pagtataguyod ng ligtas, maayos, at child-friendly na mga komunidad.
Source: PNP-Child Development Center (https://www.facebook.com/share/p/1dnGcAkfDr/)
