Cagayan – Patuloy sa pag-arangkada at pamimigay saya ng mga kapulisan ng 2nd Mobile Force Platoon, First Cagayan Provincial Mobile Force Company (PMFC) sa pamamagitan ng pagsasagawa ng Community Outreach Program na ginanap sa Barangay Verzosa, Baggao, Cagayan noong Hunyo 16, 2023.
Nagkaroon ng libreng tuli, pamamahagi ng grocery pack at feeding program sa lugar.
Labis ang pasasalamat ng mga residente sa kanilang natanggap at lubos ang saya sapagkat napili ang kanilang lugar na handugan ng iba’t ibang serbisyo.
Ayon kay Police Captain Ronald Sagun, Platoon Leader, kaisa ng mga kapulisan ang lokal na pamahalaan ng Baggao, iba’t ibang ahensya ng pamahalaan at mga stakeholders sa naturang aktibidad.
Aktibong nakikiisa ang hanay ng Pambansang Pulisya sa paghahatid ng mga serbisyo katuwang ang iba’t ibang ahensya ng pamahalaan upang mapanatili ang kaayusan at kapayapaan ng lipunan.
Source:1st Cagayan PMFC
Panulat ni Police Corporal Carla Mae P Canapi
