Nasamsam ang tinatayang Php850,000 halaga ng shabu sa isang High Value Individual sa isinagawang buy-bust operation ng Butuan City PNP sa Purok 3, Barangay Libertad, Butuan City bandang 12:20 ng umaga nito lamang ika-22 ng Agosto, 2024.
Kinilala ni Police Lieutenant Colonel Josef Carlo V Silang, Hepe ng Regional Drug Enforcement Unit 13, ang naarestong suspek na si alyas “Jalil”, 28 taong gulang, walang trabaho at residente ng P-11, Barangay Ong Yiu, Butuan City.
Sa operasyon, nasamsam mula sa suspek ang tinatayang 125 gramo ng shabu na may Standard Drug Price na Php850,000 at iba’t ibang drug paraphernalia.
Naging matagumpay ang operasyon sa pinagsanib na pwersa ng Regional Drug Enforcement Unit 13/Regional Intelligence Division 13, Butuan City Police Station 3 Drug Enforcement Unit, at PDEA13 Agusan del Norte Provincial Office sa presensya ni Hon. Vincent Rizal Rosario, Barangay Captain ng Barangay Libertad at G. Jessico G. Ceniza, DOJ representative at isang Media representative.
Patuloy ang PNP Caraga katuwang ang iba’t ibang ahensya ng gobyerno sa pagpapaigting ng laban kontra ilegal na droga upang mapanatili ang kaayusan ng bansa tungo sa isang ligtas na Bagong Pilipinas.
Panulat ni Patrolwoman Karen Mallillin
