Capiz – Tinatayang Php816,000 halaga ng shabu ang nakumpiska sa limang High Value Individual sa isinagawang buy-bust operation ng Capiz Police Provincial Drug Enforcement Unit at Pontevedra Municipal Police Station sa Brgy. Intongcan, Pontevedra, Capiz alas 3:48 ng hapon nitong ika-29 ng Marso 2023.
Kinilala ni Police Major Leomindo Tayopon, Chief ng Capiz PPDEU, ang mga naaresto na sina Mary Grace Ortega Dela Cruz, babae, 29, single na residente ng Brgy. Balintawak, Bantayan Island, Cebu; Ermelio Montenegro Jimenez, 48; Cyril Delos Arcangeles Santos, Lalaki, 38; Gemma Arcangeles Jimenez, lalaki, 58, may asawa; at si Adrian Paredes Bauson, 46, pawang mga residente ng Brgy. Tanque, Roxas City, Capiz.
Ayon kay PMaj Tayopon, nangyari ang pag-aresto sa mga suspek matapos magbenta ng isang pakete ng pinaghihinalaang shabu sa isang police poseur buyer kapalit sa halagang Php20,000.
Lahat ng naaresto ay pawang mga High Value Individual habang ang isa sa mga naarestong si Ermelio Jimenez ay naitala bilang High Value Individual Priority List sa Anti-Illegal Drugs Watchlist sa Probinsya ng Capiz.
Narekober sa mga nahuli ang humigit kumulang na 120 gramo ng pinaghihinalaang shabu na may Standard Drug Price na Php816,000, mga drug paraphernalia at iba pang non-drug items.
Samantala, nahaharap sa kasong paglabag sa R.A. 9165 o Comprehensive Dangerous Drugs Act of 2002 ang mga suspek.
Sa tuloy-tuloy na kampanya at operasyon na ipinapatupad ng kapulisan ng PRO6 kontra ilegal na droga ay nagreresulta ito sa pagkakahuli ng mga durugista at nagpapatunay lamang na hindi tumitigil ang PRO6 upang mahuli ang mga taong gumagawa ng mga ilegal na aktibidad.
