Cebu City – Tinatayang mahigit walong daang libong pisong halaga ng shabu ang nakumpiska sa buy-bust operation ng pulisya ng Cebu City nito lamang Miyerkules ng gabi, Marso 2, 2022.
Kinilala ni Police Brigadier General Roque Eduardo Vega, Regional Director, Police Regional Office 7 ang naarestong suspek na si Clinton Rhey Sypieco Belhida alyas “Ton”, 25, residente ng Sitio Lahing-lahing II, Barangay Mabolo, Cebu City.
Ayon kay PBGen Vega, si Belhida ay isa sa mga High Value Individual na nahuli sa Sitio Lahing-lahing II, Barangay Mabolo, Cebu City sa pinagsanib puwersa ng City Intelligence Unit, Cebu City Police Office (CCPO) at Philippine Drug Enforcement Agency 7.
Ayon pa kay PBGen Vega, nakuha mula kay Belhida ang tinatayang 120 gramo ng shabu na may Standard Drug Price na Php816,000.
Nahaharap sa kasong paglabag sa Sections 5 at 11, Article II ng RA 9165 o ang Comprehensive Dangerous Drugs Act of 2002.
Sinisiguro naman ng kapulisan ng nasabing rehiyon na mas paiigtingin pa nila ang kampanya laban sa ilegal na droga at iba pang kriminalidad.
###
Panulat ni Patrolman Edmersan Llapitan
