Iloilo City – Patay ang isang lalaking drug suspek matapos itong manlaban sa mga kapulisan sa isinagawang drug buy-bust operation ng Iloilo City PNP nito lamang ika-21 ng Pebrero 2023.
Kinilala ni Police Colonel Joeresty Coronica, City Director ng Iloilo City Police Office, ang subject person na si Jason Espaltero alyas “Don-Don”, 32, residente ng San Jose, Antique at kasalukuyang naninirahan sa Brgy. Rizal, Estanzuela, Iloilo City.
Ang operasyon ay isinagawa ng mga operatiba ng City Drug Enforcement Unit (CDEU) kasama ang Police Station 3, Iloilo City Police Office sa pangunguna PLtCol Antonio Benitez Jr., OIC, City Intelligence at Chief, CDEU.
Ayon kay PCol Coronica, ang suspek ay nagbenta ng limang pakete ng hinihinalang shabu sa isang poseur buyer kapalit ng Php75,000, dito na idineklara ng mga operatiba ang pag-aresto ngunit binunot ng suspek ang kanyang baril at pinaputukan ang katransaksyon dahilan upang gumanti ng putok ang back-up nito.
Ayon pa kay PCol Coronica, nakuha din sa naturang operasyon ang may kabuuang 22 pakete ng suspected shabu na may timbang na 110 gramo na may Standad Drug Prize na Php748,000, kabilang ang caliber .45 pistol na ginamit ng suspek.
Ang nabaril na operatiba ay ligtas ngunit nagtamo ng pinsala sa katawan, samantala isinugod naman ang drug suspek sa West Visayas State University Medical Center subalit ito ay idineklarang dead on arrival.
Ang matagumpay na operasyon ay bunga ng tuloy-tuloy at mas pinaigting na kampanya ng Iloilo City PNP kontra ilegal na droga at sa lahat ng uri ng kriminalidad.
