Matagumpay na naisagawa
ng Pasay City Police Station ang surveillance operation na humantong sa pagkakakumpiska ng malaking halaga ng shabu at pagkakahuli ng babaeng suspek nito lamang Huwebes, Hulyo 25, 2024.
Kinilala ni Police Brigadier General Leon Victor Z Rosete, District Director ng Southern Police District, ang suspek na si alyas “Amalia”.
Ang operasyong ito ay pinangunahan ng Station Intelligence Section ng istasyon, naganap ang surveillance operation dahil sa isang confidential informant na nagbigay ng impormasyon sa pulisya ang impormante tungkol kay alyas Ekong, na may nakabinbing Warrant of Arrest at nakita umano sa lugar ng Barangay 148 Zone 16, Pasay City.
Habang papalapit ang grupo sa lokasyon, namataan nila sina alyas Amalia at alyas Esmael na sangkot sa aktibidad ng ilegal na droga.
Nauwi ang operasyon sa agarang pagkakadakip kay alyas Amalia, habang si alyas Esmael naman ay tumakas sa kalapit na bahay at nakaiwas sa pagkakaaresto.
Nakuha ng mga awtoridad mula kay alyas Amalia ang isang knot-tied at 10 medium-sized heat-sealed transparent plastic sachet na naglalaman ng puting crystalline substance na hinihinalang shabu na humigit-kumulang 100 gramo ang bigat at nagkakahalaga ng Php680,000, digital weighing scale, at isang maliit na itim na sling bag.
Kasalukuyang inihahanda ang reklamo ng paglabag sa Republic Act 9165 laban kay Amalia.
Hindi titigil ang Pambansang Pulisya sa pagsupil sa talamak na bentahan ng droga sa bansa upang makamit ang mas ligtas at maunlad na komunidad.
Source: SPD PIO
Panulat ni PSSg Remelin M Gargantos
