Novaliches, Quezon City – Tinatayang nasa Php680,000 halaga ng shabu ang nasabat sa isang lalaki sa isinagawang buy-bust operation ng Novaliches Police Station-4 ng Quezon City Police District nito lamang Martes, Agosto 16, 2022.
Kinilala ni National Capital Region Police Office, Acting Regional Director, PBGen Jonnel Estomo, ang suspek na si Ritz Reyes y Prudenciado, lalaki, 42 taong gulang.
Ayon kay PBGen Estomo, dakong 11:30 ng gabi naaresto si Reyes sa kahabaan ng No. 5 Cleofas St., Brgy. Bagbag, Novaliches, Quezon City sa pinagsanib puwersa ng mga tauhan ng Novaliches PS-4 ng QCPD at PDEA.
Nakuha mula kay Reyes ang 100 gramo ng hinihinalang shabu na may Standard Drug Price na Php680,000.
Mahaharap si Reyes sa kasong paglabag sa RA 9165 o “Comprehensive Dangerous Drugs Act of 2002”.
Pinuri naman ni PBGen Estomo ang mga operatiba ng Novaliches PS-4 ng QCPD sa pakikipag-ugnayan sa PDEA para sa matagumpay na pagsasagawa ng anti-illegal drug operation.
Source: PIO_NCRPO
###
Panulat ni PSSg Remelin Gargantos
