Nasabat ang kabuuang Php666,196 halaga ng hinihinalang shabu mula sa 30 indibidwal na naaresto sa isinagawang week-long operation ng Police Regional Office 13 sa buong rehiyon ng Caraga mula Abril 19 hanggang 25, 2025.
Naaresto ang 11 katao sa mga lalawigan ng Agusan, kung saan narekober ang 11.43 gramo ng hinihinalang shabu na may tinatayang halaga na Php77,724.
Samantala, 10 drug suspects ang naaresto sa mga lalawigan ng Surigao, at nasabat mula ang 15.95 gramo ng shabu na nagkakahalaga ng Php108,460.
Sa lungsod ng Butuan, lima ang nahuling may dalang 35.59 gramo ng hinihinalang shabu na nagkakahalaga ng Php242,012.
Ikinasa ng Regional Drug Enforcement Unit 13 ang isang buy-bust operation na humantong sa pagkakaaresto ng apat na suspek at pagkakumpiska ng 35 gramo ng hinihinalang shabu na may halagang Php238,000.
Nasampahan ng kaso ang lahat ng mga nahuli sa paglabag sa Republic Act 9165 o ang “Comprehensive Dangerous Drugs Act of 2002”.
“These figures display our collective efforts to eradicate the scourge of illegal drugs in our communities. I also urge the public to be our steadfast partners in protecting our families from the dangers these dangerous drugs bring,” ani Police Brigadier General Christopher N. Abrahano, Regional Director ng PRO13.
Panulat ni Pat Karen Mallillin
