Talisay City, Cebu – Tinatayang Php6,936,000 halaga ng shabu ang nakumpiska sa buy-bust operation ng pulisya ng Talisay City, Cebu nito lamang Miyerkules, Marso 9, 2022.
Kinilala ni Police Lieutenant Colonel Randy Caballes, Hepe ng Talisay City Police Station, ang naaresto na si Mark Dexter Tamarra, 31, residente ng Sitio Bato Brgy. Ermita, Cebu City.
Ayon kay Police Lieutenant Colonel Caballes, si Tamarra ay nahuli bandang 8:35 ng gabi sa Brgy. Candulawan, Talisay City sa isinagawang intensive drug operation “OPLAN LIMPYO” ng mga operatiba ng Talisay City Police Station.
Ayon pa kay Police Lieutenant Colonel Caballes, nakumpiska mula sa suspek ang pinaghihinalaang shabu na may tinatayang bigat na 1,020 gramo na may Standard Drug Price na Php6,936,000.
“Ang matagumpay na operasyon ay dahil sa pinaigting at pagsisikap ng pulisya na sugpuin ang problema sa ilegal na droga sa lungsod, madakip ang bawat personalidad na sangkot, at nang maging ligtas sa anumang uri ng kriminalidad ang mga Talisaynon”, ani PLtCol Caballes.
###
Panulat ni Patrolman Edmersan Llapitan
