Caloocan City — Tinatayang Php544,000 halaga ng umano’y shabu ang nasabat sa isang lalaki na tinaguriang High Value Individual sa ikinasang buy-bust operation ng mga tauhan ng Caloocan City Police Station nito lamang Miyerkules, Marso 1, 2023.
Kinilala ni PBGen Ponce Rogelio I. Peñones Jr., District Director ng NPD, ang suspek na si alyas “Bubu”, 27, tulak ng droga at residente ng No. 46 G, Barangay Balon Bato, Dimaano Compound sa Quezon City.
Ayon kay PBGen Peñones Jr, bandang 3:20 ng madaling araw nang maaresto ang suspek sa kahabaan ng Calle Kwatro, Barangay 81, Caloocan City ng mga operatiba ng Drug Enforcement Unit ng Caloocan CPS sa pangunguna ni Police Major Amor C Cerillo, Chief, DEU.
Nasamsam sa suspek ang isang medium heat-sealed at isang knot-tied transparent plastic sachet na naglalaman ng hinihinalang shabu na may bigat na 80 gramo at nagkakahalaga ng Php544,000 at isang genuine Php500 kasama ang walong Php1,000 na peke/boodle currency na ginamit bilang buy-bust money.
Kasong paglabag sa RA 9165 o Comprehensive Dangerous Drugs Act of 2002 ang isinampa kay alyas “Bubu.”
Tiniyak ng Northern Police District na patuloy ang pagpapaigting nila sa kampanya kontra ilegal na droga sa lungsod ng CAMANAVA upang maging ligtas at mapayapa ang kanilang komunidad.
Source: NPD PIO
Panulat ni PSSg Remelin M Gargantos
