Nasabat sa isinagawang buy-bust operation ang Php501,500 halaga ng shabu mula sa apat na drug personality nito lamang Agosto 11, 2024 sa Block 133, Lot 6, Town House, Deca Talomo, Davao City.
Ayon kay Police Major Marcille M Manzano, Acting Station Commander ng Sasa Police Station, ang mga suspek ay kinilalang sina alyas “Topher”, 25 anyos at tinaguriang High Value Individual, alyas “Raiza”, 25 anyos, alyas “JC”, 26 anyos at alyas “Haiko”, 22 anyos na pawang mga residente ng nasabing lungsod.
Dagdag pa, ang mga suspek ay naaresto sa pinagsanib na puwersa ng Sasa Police Station at sa aktibong suporta at koordinasyon ng PDEA XI.
Narekober naman mula sa mga suspek ang humigit kumulang 73.75 gramo ng hinihinalang shabu at nahaharap sa kasong paglabag sa Republic Acy 9165 o Comprehensive Dangerous Drugs Act of 2002.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
