Zapote, Las Piñas City — Tinatayang nasa Php408,000 halaga ng shabu ang nasabat sa dalawang suspek sa isinagawang buy-bust operation ng Las Piñas City Police Station nito lamang Huwebes, Setyembre 8, 2022.
Kinilala ni Police Colonel Kirby John B Kraft, Acting District Director ng SPD, ang mga suspek na sina Benjo Abo y Halili, janitor, 34, at Jerphy Padilla y Ronguez, construction worker, 45.
Ayon kay PCol Kraft, bandang 3:30 ng madaling araw naaresto sina Abo at Padilla sa Basa Compound, Brgy. Zapote, Las Piñas City ng mga operatiba ng Station Drug Enforcement Unit (SDEU) ng Las Piñas City Police Station.
Nakumpiska sa mga suspek ang dalawang medium-sized at pitong small-sized na heat-sealed transparent plastic sachet na naglalaman ng hinihinalang shabu na nagkakahalaga ng Php408,000, isang brown na pouch at Php500 na buy-bust money.
Nahaharap ang mga suspek sa kasong paglabag sa Sections 5 at 11 ng Art II ng RA 9165 o Comprehensive Dangerous Drugs Act of 2002.
Tinitiyak ni PCol Kraft na patuloy ang kanilang aktibong pagtugis sa mga kriminal at lalo pang paiigtingin ang kampanya laban sa ilegal na droga upang makamit ang tahimik at ligtas na komunidad.
Source: SPD PIO
Panulat ni PSSg Remelin M Gargantos
