Cagayan de Oro City – Nasabat ang tinatayang Php408,000 halaga ng shabu sa dalawang naarestong suspek sa buy-bust operation ng Cagayan de Oro City PNP nito lamang Miyerkules, Hulyo 27, 2022.
Kinilala ni Police Colonel Aaron Mandia, City Director ng Cagayan de Oro City Police Office, ang dalawang suspek na sina Jonel Tongol y Jalapit alyas “Juntungs”, High Value Individual (HVI), 39, may-asawa, residente ng MPC Line, Villa Angela Subd., Brgy, Balulang, Cagayan de Oro City at Michael Villanueva y Bastian, 40, may-asawa at residente ng Calaanan, Canitoan, Cagayan de Oro City.
Ayon kay PCol Mandia, naaresto ang mga suspek bandang 7:00 ng gabi sa MPC Line, Villa Angela Subd. Brgy. Balulang, Cagayan de Oro City ng mga operatiba ng Station Drug Enforcement Team ng Cagayan de Oro City Police Office-Station 8.
Nakumpiska mula sa dalawang suspek ang dalawang pakete ng hinihinalang shabu na may timbang na 60 gramo na tinatayang nagkakahalaga ng Php408,000, isang kulay puting Azus brand na cellphone at Php1,000 bill na ginamit bilang buy-bust money.
Mahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Ang CDO PNP ay patuloy ang kampanya laban sa droga para maging drug-free ang siyudad at ligtas sa anumang uri ng kriminalidad.
Source: Cagayan de Oro Police Office-PIO
###
Panulat ni Police Staff Sergeant Grace Neville Ortiz
