Navotas City – Umabot sa Php380,800 halaga ng shabu ang nasamsam sa dalawang lalaking suspek sa isinagawang buy-bust operation ng mga operatiba ng Navotas City Police Station nito lamang Biyernes, Nobyembre 3, 2023.
Pinangalanan ni PBGen Rizalito Gapas, District Director ng Northern Police District, ang mga suspek na sina alyas “Jay-Ar”, 37, residente ng Barangay NBBS Dagat-Dagatan, Navotas City; at alyas “Marlon”, 29, Pusher/nakalista bilang Top 10 Regional Priority Data Base on Illegal Drugs, at residente ng Barangay San Jose, Navotas City.
Nadakip ang mga suspek bandang 3:50 ng madaling araw sa kahabaan ng Matang Baka St., Barangay NBBS Dagat-Dagatan, Navotas City matapos magpatupad ng One Time Big Time (SACLEO) ang kapulisan na nagpanggap na poseur buyer.
Nasamsam sa kanila ang dalawang pirasong heat-sealed at isang knot-tie transparent plastic sachet na naglalaman ng hinihinalang shabu na nagkakahalaga ng Php380,800, isang itim na pitaka, at perang ginamit sa transaksyon.
Kasong paglabag sa RA 9165 o Comprehensive Dangerous Drugs Act of 2002 ang kahaharapin ng dalawang suspek.
Nagpaalala naman ang Northern Police District sa mga gumagawa ng kriminalidad na tumigil sa kanilang mga masamang gawain dahil hindi titigil ang Pambansang Pulisya sa pagsugpo at pagpapatupad ng batas.
Source: NPD PIO
Panulat ni PSSg Remelin M Gargantos
