San Marcelino, Zambales – Tinatayang Php355,550 halaga ng shabu ang nasabat sa buy-bust operation ng San Marcelino PNP sa San Marcelino, Zambales, nito lamang Lunes, Mayo 2, 2022.
Kinilala ni Police Major Teddy Padauan, Hepe ng San Marcelino Municipal Police Station, ang suspek na si Hamel S Mendalano, 31, residente ng Brgy. Linusungan, San Marcelino, Zambales habang pinaghahanap pa si Reynald S Gulmatico na kasabwat nito.
Ayon kay PMaj Padauan, naaresto ang suspek bandang ala-singko ng umaga sa Sitio Aros, Brgy. San Guillermo, San Marcelino, Zambales ng mga operatiba ng San Marcelino MPS.
Ayon pa kay PMaj Padauan, nakuha sa suspek ang 44 na pakete ng hinihinalang shabu na may bigat na humigit kumulang 54.7 gramo at tinatayang may halaga na Php355,550, isang black sling bag na may pulang strap, isang brown coin purse at marked money na ginamit sa nasabing operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, patuloy pa rin ang Police Regional Office 3 sa kampanya laban sa ilegal na droga sa ilalim ng direktiba at pamumuno ni PBGen Matthew Baccay, Regional Director, Police Regional Office 3, upang makamtan ang isang komunidad na malaya mula sa droga.
###
Panulat ni Police Corporal Faith A Sangeles
