Nasabat ang Php353,600 halaga ng shabu mula sa tinaguriang Top 5 High Value Individual ng Davao Region matapos ang isinagawang buy-bust operation ng mga operatiba ng Mati City Police Station at Provincial Drug Enforcement Unit sa Purok Ancop, Barangay Dahican, Mati City nito lamang ika-14 ng Enero 2025.
Ayon kay Police Major Al Anthony I. Gumban, Hepe ng Mati City Police Station, ang suspek ay kinilalang si alyas “Gamay”, 28 anyos at residente ng nasabing lugar.
Nakuha mula sa suspek ang 52 gramo ng shabu at iba pang non-drug evidence.
Kasong paglabag sa Republic Act 9165 o “Comprehensive Dangerous Drugs Act of 2002” ang kakaharapin ng suspek.
Sa pamamagitan ng mga targeted na operasyon tulad ng buy-bust, checkpoint, at intelligence-driven na mga aksyon, pinapalakas ng PNP ang kampanya laban sa iligal na droga at iba pang krimen. Ang mga operasyong ito ay nagsisilbing babala sa mga potensyal na lumabag sa batas, pati na rin sa mga miyembro ng komunidad upang manatiling alerto at makipagtulungan sa mga awtoridad sa pagpapanatili ng kaayusan.
Panulat ni Pat Shairra Rose A Aquino
