Arestado ang dalawang lalaki matapos makuhanan ng Php350,200 halaga ng shabu at baril sa isinagawang buy-bust operation ng Kalilangan Municipal Police Station at Bukidnon Provincial Intelligence sa Purok 3, Macatol, Macaopao, Kalilangan, Bukidnon nito lamang hapon ng Disyembre 3, 2023.
Kinilala ni Police Colonel Jovit Culaway, Provincial Director ng Bukidnon Police Provincial Office, ang dalawang suspek na si alyas “Jerome”, 30, at alyas “Roland”, 31, na kapwa residente ng Don Carlos, Bukidnon.
Nakuha mula sa dalawang suspek ang apat na pakete ng hinihinalang shabu na may bigat na 51.5 gramo na nagkakahalaga ng Php350,200, isang Cal. 38 revolver, isang backpack, isang cellphone, at isang itim na motorsiklo.
Nahaharap ang suspek sa kasong paglabag sa Sec 5 at 11 Art II ng RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Ang pagkakadakip ng dalawang suspek ay bunga ng walang humpay na operasyon ng Bukidnon PNP kontra ilegal na droga at kriminalidad upang mapanatili ang kapayapaan at kaayusan sa probinsya ng Bukidnon.
Panulat ni Patrolman Edwin Baris
