Cavite – Nasamsam ang tinatayang Php340,000 halaga ng shabu sa isang lalaki sa ikinasang buy-bust operation ng Bacoor City PNP nito lamang Disyembre 30, 2023.
Kinilala ni Police Colonel Eleuterio Ricardo Jr, Provincial Director ng Cavite Police Provincial Office, ang suspek na si alyas ‘’Boss”, residente ng Brgy. Zapote 1, Bacoor City, Cavite.
Naaresto ang suspek sa nabanggit na lugar ng mga operatiba ng Bacoor Component City Police Station at nasamsam ang isang nakabalot ng Christmas gift wrapper na naglalaman ng apat na piraso ng heat-sealed transparent plastic sachets ng hinihinalang shabu na may tinatayang timbang na humigit kumulang 50 gramo na may Standard Drug Price na Php340,000 at isang pirasong Php500 bill bilang buy-bust money.
Nahaharap ang suspek sa kasong paglabag sa Sections 5 at 11 ng Republic Act 9165 o “Comprehensive Dangerous Drugs Act of 2002.
Pinuri naman ni Police Brigadier General Paul Kenneth Lucas, Regional Director ng Police Regional Office CALABARZON ang tauhan ng Cavite PNP sa walang sawang pagpapaigting sa kampanya laban sa ilegal na droga at hinikayat ang mga mamamayan na patuloy na suportahan ang kapulisan sa pagsugpo sa laganap na pagbebenta at paggamit ng shabu na nakakasira sa buhay ng tao lalo na sa mga kabataan.
Source: Cavite Police Provincial Office
Panulat ni Police Staff Sergeant Donabel T Dulin
