Nasabat ang tinatayang Php3,417,816 halaga ng hinihinalang shabu mula sa tinaguriang Top 1 High Value Individual sa City Level matapos ang isinagawang buy-bust operation ng Sasa Police Station at TSC-RMFB 11 sa Don Julian Street, Doña Pilar, Barangay Sasa, Davao City nito lamang Enero 27, 2025.
Kinilala ni Police Major Marcille M Manzano, Acting Station Commander ng Sasa Police Station, ang suspek na si alyas “Jay-Jay”, 25 anyos at residente ng Bayware, Barangay Ilang, Davao City.
Nakuha ang 502.62 gramo ng shabu at buy-bust money at mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Sa pamamagitan ng mga regular na operasyon, patuloy na pinapalakas ng Police Regional Office 11 ang kampanya laban sa iligal na droga, isang seryosong isyu na nagdudulot ng malawakang epekto sa seguridad at kalusugan ng komunidad.
Panulat ni Pat Shairra Rose A Aquino
