Nasamsam sa buy-bust operation ng Eastern Police District na naging dahilan ng pagkakaaresto ng isang High Value Individual at kanyang babaeng kasabwat at nakumpiska ang mahigit 300 gramo ng hinihinalang shabu nito lamang Linggo, Enero 26, 2025 sa Barangay Pinagbuhatan, Pasig City.
Kinilala ni Police Colonel Villamor Q Tuliao, Acting District Director ng EPD, ang naarestong mga suspek na si alyas “Ryan”, na nakalista bilang HVI at alyas “Andrea”, parehong 24 taong gulang at residente ng nasabing barangay.
Narekober sa nasabing operasyon ang tatlong pirasong knot tied transparent plastic na naglalaman ng puting hinihinalang shabu na nagkakahalaga ng Php2,040,000.
Kasong paglabag sa Section 5 at 11 ng Article ll ng Republic Act 9165 o mas kilala bilang “Comprehensive Dangerous Drugs Act of 2002”.
“Pinupuri ko ang operating unit para sa matagumpay na pag-aresto sa mga nagbebenta ng droga na ito, gayundin ang malaking halaga ng mga nakumpiskang ilegal na droga. Ipinatigil namin ang kanilang operasyon ng ilegal na droga, at ito ay isang kapansin-pansing tagumpay at solusyon. Sa tiyaga, ipagpapatuloy natin ang ating kampanya para sugpuin ang operasyon ng ilegal na droga sa ating lugar,” ani PCol Tuliao.
Source: EPD PIO
Panulat ni PSSg Remelin M Gargantos
