Nakumpiska ng Bukidnon PNP ang smuggled na sigarilyo sa ginawang checkpoint operation sa Purok 2, Kisolon, Sumilao, Bukidnon nito lamang Nobyembre 6, 2024.
Ayon kay Police Colonel Jovit L Culaway, Provincial Director ng Bukidnon Police Provincial Office, dahil sa isinagawang checkpoint ng mga tauhan ng Sumilao Municipal Police Station, ay nasabat ang isang Suzuki Multicab Van na may plate No. KAO1513.
Kinilala ang tatlong suspek na sina alyas “Baste”, alyas “Rey”, alyas “Boboy”, na pawang mga residente ng Purok 2, Barangay Lumbo, Valencia City, Bukidnon.
Nakumpiska sa tatlong suspek ang 750 reams ng Commando cigarettes na nagkakahalaga na Php262,500.
Nahaharap ang mga suspek sa kasong paglabag sa Republic Act 10643 o “Graphic Health Warnings Law”.
Ang Bukidnon PNP ay hindi titigil sa pagpapatupad ng batas para sa kaligtasan at kapayapaan ng ating pamayanan.
