Aabot sa Php256,000 halaga ng hinihinalang shabu ang nasabat mula sa Top 6 High Value Individual sa City Level sa isinagawang buy-bust operation ng Mandug PNP sa Barangay Indangan, Davao City nito lamang Abril 24, 2024.
Kinilala ni Police Major Jose Rodrigo Mendoza, Station Commander ng Mandug Police Station, ang suspek na si alyas “Boss”, 39 taong gulang, manggagawa at residente ng Sto. Rosario, Km. 12, Sasa, Davao City.
Ang suspek ay naaresto ng mga tauhan ng nasabing istasyon sa pakikipagtulungan sa Philippine Drug Enforcement Agency kung saan ay narekober mula sa suspek ang tatlong pakete ng hinihinalang shabu, cellphone, green sling bag, personal money at buy-bust money.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang kampanya kontra ilegal na droga ay patuloy na pinapaigting ng Police Regional Office 11 sa ilalim ng pamumuno ni Regional Director Police Brigadier General Alden B Delvo alinsunod sa kampanya ng Bagong Pilipinas na panatilihin ang kapayapaan at kaayusan sa bansa.
Panulat ni Pat Shairra Rose A Aquino
