Tinatayang Php250,000 halaga ng marijuana ang nadiskubre ng Benguet PNP sa isinagawang marijuana eradication sa Kayapa, Bakun, Benguet nito lamang ika-19 ng Abril 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib na pwersa ng mga kapulisan sa pangunguna ng mga tauhan ng Bakun Municipal Police Station kasama ang mga tauhan ng PIU/PDEU, Benguet PPO, RIU-14, at PDEA-CAR.
Ang operasyon ay nagresulta sa pagkadiskubre ng plantasyon ng marijuana na may lawak na 250 square meters at may tanim na humigit kumulang 1,250 piraso ng fully grown marijuana plants na nagkakahalaga ng tinatayang Php250,000 Standard Drug Price.
Bagamat walang nahuling cultivator, lahat ng nasabing halaman ng marijuana ay binunot at sinunog sa lugar habang ang sapat na sample ay dinala upang isumite sa Benguet PFU-Cordillera para sa qualitative test.
Pinuri naman ni PCol Bayongasan ang mga operatiba sa kanilang matagumpay na operasyon at sinisiguro naman na lalo pa nilang paiigtingin ang kanilang kampanya kontra sa ilegal na droga, gayundin upang matuldukan ang paglaganap ng pinagbabawal na gamot sa kanilang nasasakupan.
Ang pagpuksang ito ng kapulisan ay bilang pagsuporta sa isinusulong ng Pangulong Ferdinand R Marcos, Jr na Whole-of-Nation Approach na kinakailangan para masugpo ang paglaganap ng ilegal na droga at maging drug-free ang bansa.
Panulat ni PSSg JudeTasing
