Pampanga – Tinatayang Php204,000 halaga ng hinihinalang ilegal na droga ang nasabat at apat ang arestado sa ikinasang buy-bust operation ng Mabalacat City PNP sa Sitio Bana, Brgy. Dolores, Mabalacat City, Pampanga nito lamang Miyerkules, ika-11 ng Oktubre 2023.
Kinilala ni Police Lieutenant Colonel Alfredo Canlas, Acting Chief of Police ng Mabalacat City Police Station, ang apat na drug personalities na sina alyas “Noel”, “Bert”, “Mano” at alyas “Dan”.
Naaresto ang apat na suspek bandang 11:02 ng gabi na nagresulta ng pagkakasabat sa hinihinalang shabu na nagkakahalaga ng Php204,000 na may timbang na 30 na gramo.
Sasampahan ng kasong paglabag sa RA 9165 o Comprehensive Dangerous Drugs Act of 2002.
Paalala ng Mabalacat City PNP sa ating mga kababayan kung may mga reklamo o kaya sumbong lumapit sa kanilang himpilan upang agad ma-aksyunan at mapanatiling ligtas at payapa ang komunidad.
Source: Mabalacat City Police Station
Panulat ni PCpl Jeselle V Rivera
