Nadiskubre ng mga otoridad ang tinatayang Php2,840,000 halaga ng Fully Grown Marijuana Plants sa isinagawang marijuana eradication sa Sitio Maliteng, Sinacbat, Bakun, Benguet noong ika-3 ng Nobyembre 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib na pwersa ng mga operatiba na pinangunahan ng Bakun Municipal Police Station katuwang ang Provincial Intelligence Unit, Provincial Drug Enforcement Unit, Benguet Police Provincial Office, Regional Intelligence Unit 14, Philippine Drug Enforcement Agency Cordillera- Land Transportation Interdiction Unit at Barangay Officials.
Ang operasyon ay nagresulta sa pagkadiskubre ng apat na plantasyon ng marijuana na may lawak na humigit kumulang na 1,620 square meters at may nakatanim na mahigit kumulang 12,800 na piraso ng Fully Grown Marijuana Plants at 7,000 na piraso ng marijuana seedling na nagkakahalaga ng Php2,840,000 Standard Drug Price.
Bagamat walang nahuling cultivator, lahat ng binunot na Fully Grown Marijuana Plants ay naidokumento at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at sinisiguro na lalo pang paiigtingin ang kampanya kontra ilegal na droga.
Ang matagumpay na operasyon ng Benguet PNP ay patunay na kaisa sa pagpapaigting ng kampanya kontra ilegal na droga bilang pagsuporta sa adhikain ng administrasyon para sa isang mas mapayapang Bagong Pilipinas.
Panulat ni Patrolwoman Charlyn Rose B Gumangan
