Arestado ang apat na indibidwal na nagresulta sa pagkakasabat sa tinatayang Php2.7 milyong halaga ng hinihinalang shabu sa ikinasang EMPO‑driven buy‑bust operation ng mga awtoridad sa kahabaan ng Diego Sierra, Barangay Pulang Lupa Uno, Las Piñas City nito lamang Sabado, Hulyo 5, 2026.
Ayon kay Police Major General Anthony Aberin, Regional Director ng National Capital Region Police Office, narekober sa naturang operasyon ang nasa 400 gramo ng hinihinalang shabu na nagkakahalaga ng Php2,720,000 at iba pang non-drug items.
Nadakip ang mga suspek na edad 32 at 30, pawang mga delivery rider, isang 25-anyos at isang 22-anyos na nahaharap sa kasong paglabag sa Sections 5, 11, at 26, Article II ng R.A. 9165 o ang Comprehensive Dangerous Drugs Act of 2002.
“NCRPO will continue to hit drug syndicates with precision and without hesitation. The arrest of these high‑value pushers and the seizure of Php2.7 million worth of shabu is a clear demonstration of our operational discipline and the effectiveness of our EMPO‑driven strategy. We will intensify our offensives, expand our intelligence reach, and dismantle every network that attempts to operate in Metro Manila. Our message is simple if you peddle illegal drugs, NCRPO will find you, arrest you, and shut down your operations,” saad ni PMGen Aberin.
