Nasamsam ang Php193,664 halaga ng shabu matapos maaresto ang tinaguriang Top 8 Regional High Value Individual sa isinagawang buy-bust operation sa Shietely Homes, Barangay Matina Crossing, Davao City nito lamang ika-12 ng Enero, 2025.
Ang naturang operasyon ay pinangunahan ng Regional Police Drug Enforcement Unit 11 sa ilalim ng pangangasiwa ni Police Major Maynard D. Pascual katuwang ang City Drug Enforcement Unit at Talomo Police Station.
Kinilala ang suspek na si alyas “Angkol”, 65 anyos, residente ng nasabing lugar.
Narekober mula sa suspek ang 28.48 na gramo ng shabu at iba pang non-drug evidence.
Kasong paglabag sa Republic Act 9165 o Comprehensive Dangerous Drugs Act of 2002 ang kakaharapin ng suspek.
Ang tagumpay ng operasyon na ito ay patunay ng epektibong hakbang ng Police Regional Office 11 upang labanan ang ilegal na droga at kriminalidad. Gayundin, ito ay nakamit lamang sa patuloy na pakikiisa at suporta ng komunidad na may iisang layunin na mapanatili ang kaayusan para sa masaganang pamumuhay.
Panulat ni Pat Shairra Rose A Aquino
