Kalaboso ang isang 33-anyos na tulak ng droga makaraang magpositibo sa buy-bust operation na isinagawa ng Manila Police District Meisic Police Station 11 sa kahabaan ng Lara Street Barangay 286, Binondo, Maynila nito lamang Huwebes, Abril 25, 2024.
Kinilala ni Police Brigadier General Arnold Thomas Ibay, District Director ng MPD ang suspek na si alyas “Greg”, na residente sa Sambahayan Rawis Sta. Fe Street, Barangay 118, Tondo, Maynila.
Nasabat ng mga tauhan ng Station Drug Enforcement Unit ng istasyon ang tinatayang 26 gramo ng shabu na nagkakahalaga ng Php176,800, buy-bust money at isang sling bag na kulay berde.
Inaalam na rin ng awtoridad ang mga kasabwat pa ng suspek na pinagbabagsakan nito ng ilegal na droga.
Dahil dito, nahaharap sa kasong paglabag sa Sections 5 at 11, Article II ng Republic Act 9165 ang suspek na kasalukuyang nasa kustodiya ng MPD.
Ang agresibong pagtupad ng tungkulin ng mga operatiba ng MPD ay isang kapuri-puring pamamaraan upang maisulong ang isang ligtas na pamayanan.
Source: Police Big-Brother
Panulat ni PSSg Remelin M Gargantos
