Nasabat sa isinagawang operasyon ng Regional Police Drug Enforcement Unit (RPDEU) 11 ang tinatayang Php171,020 halaga ng hinihinalang shabu mula sa tatlong indibidwal sa Purok Bagong Silang, Barangay Sinoron, Digos City nito lamang Oktubre 29, 2024.
Kinilala ni Police Major Maynard D Pascual, Chief, RSOG/RPDEU 11, ang suspek na sina alyas “Jeje” at alyas “Relly” na tinaguriang mga High Value Drug Personality at alyas “Vy”.
Ang mga suspek ay naaresto sa pakikipagtulungan ng RPDEU 11 sa Sta. Cruz MPS, PDEU DSPPO, RIU 11 at sa koordinasyon ng PDEA.
Narekober naman mula sa mga suspek ang humigit kumulang 25.15 gramo ng hinihinalang shabu at nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang operasyong ito ay nagpapakita ng tuloy-tuloy na pagsisikap ng Police Regional Office 11 na sugpuin ang ilegal na droga at kriminalidad sa rehiyon upang mapanatili ang kaligtasan at seguridad ng komunidad.
Panulat ni Patrolwoman Shairra Rose A Aquino
