Misamis Oriental – Tinatayang Php160,000 halaga ng shabu ang nakumpiska sa dalawang suspek sa Joint Operation ng Misamis Oriental PNP nito lamang Miyerkules, Abril 13, 2022.
Kinilala ni Police Colonel Raniel Valones, Provincial Director ng Misamis Oriental Police Provincial Office, ang dalawang suspek na sina Zaldy Dagus, 51, High Value Individual, Top 2 ng PDEA-PNP Regional Target at Sonia Dagus, 56, at pawang residente ng Zone 2, Dike, Poblacion, Tagoloan, Misamis Oriental.
Ayon kay PCol Valones dakong 6:00 ng gabi nahuli ang mga suspek sa Zone 2, Dike, Poblacion, Tagoloan, Misamis Oriental sa bisa ng Search Warrant na isinagawa ng pinagsanib na puwersa ng Tagoloan Municipal Police Station; Provincial Intelligence Unit; Philippine Drug Enforcement Agency-10; Provincial Drug Enforcement Unit; 1st Provincial Mobile Force Company at Jasaan Municipal Police Station.
Nakuha mula sa dalawang suspek ang siyam na heat-sealed na hinihinalang shabu na may timbang na 50 gramo at nagkakahalaga ng Php160,000; small pouch; dalawang weighing scale; isang gunting; isang lighter; dalawang rolled aluminum; isang aluminum foil at cash na Php21,540.
Ang dalawang suspek ay mahaharap sa kasong paglabag sa RA 9165 o Comprehensive Dangerous Drugs Act of 2002.
“I commended the operating personnel for a job well done and encouraged personnel of MIS OR PPO to continue its unwavering efforts to eradicate all forms of illegal drugs within the province and keep on reinvigorating its anti-criminality campaign”, pahayag ni PCol Valones.
###
Panulat ni Patrolman Edwin Baris/RPCADU 10
