Balangkas, Valenzuela City — Tinatayang Php149,600 halaga ng shabu ang nasabat sa tatlong suspek sa isinagawang buy-bust operation ng Valenzuela City Police Station nito lamang Sabado, Agosto 13, 2022.
Kinilala ni Police Colonel Salvador Destura Jr, Chief of Police ng Valenzuela CPS, ang mga suspek na sina Manuel Carbenas y Herrera alyas “Jonjon”, Israel Pangan y Reyes at Harry Bong Maroto y Tenasas.
Ayon kay PCol Destura Jr., bandang 2:10 ng madaling araw naaresto ang mga suspek sa Buko St. Barangay Balangkas, Valenzuela City ng mga operatiba ng Station Drug Enforcement Unit ng Valenzuela CPS.
Nasamsam mula sa mga suspek ang pitong piraso ng heat-sealed transparent plastic sachet na naglalaman ng hinihinalang shabu, isang Php500 na ginamit bilang buy-bust money, pitong Php100, tatlong unit ng cellphones, at isang black coin pouch.
Umabot sa 22 gramo ng shabu ang narekober mula sa mga suspek na may halaga na Php149,600 base sa DDB value.
Mahaharap sa kasong paglabag sa Section 5 (Sale of Dangerous Drugs) at Section 11 (Possession of Dangerous Drugs) ng Article II, R.A. 9165 o Comprehensive Dangerous Drugs Act of 2002.
Tiniyak ni PCol Destura Jr., na lalong pagbubutihin ng mga kapulisan ng Valenzuela ang pagpapatupad ng batas kontra ilegal na droga at ano mang kriminalidad upang mapanatili ang tahimik at ligtas ang kanyang nasasakupan.
SOURCE: NPD PIO
###
Panulat ni PSSg Remelin Gargantos
