North Cotabato – Himas rehas ang isang 23-anyos na lalaki makaraang makuhanan ito ng Php136,000 halaga ng shabu sa isinagawang buy-bust operation ng mga awtoridad sa Brgy. Poblacion A, M’lang, North Cotabato nito lamang ika-17 ng Hunyo 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang naarestong suspek na si alyas “Kenneth”, walang asawa, laborer, at residente ng Midsayap, North Cotabato.
Batay sa ulat na natanggap ni PBGen Macaraeg mula kay Police Major Paulino Asirit Jr, Chief, RPDEU 12, bandang 6:32 ng gabi nang ikinasa ang naturang operasyon laban kay alyas “Kenneth” sa pinagsanib pwersa ng mga tauhan ng Regional Police Drug Enforcement Unit (RPDEU) 12, Police Drug Enforcement Group, Special Operations Unit 12, Regional Special Operations Group 12, Regional Intelligence Division 12, PDEU, M’lang MPS at sa pakikipag-ugnayan sa PDEA 12.
Nagresulta ito sa pagkakaaresto ng suspek matapos nitong bentahan ang nagpanggap na poseur buyer ng isang pakete ng hinihinalang shabu kapalit ang buy-bust money.
Dagdag pa ni PBGen Macaraeg, nakuha pa mula sa pag-iingat ng suspek ang dalawa pang pakete ng hininalang shabu na may kabuuang bigat na 20 gramo na may tinatayang halaga na Php136,000, isang piraso ng Php1,000 bill na ginamit bilang buy-bust money at iba pang non-drug item.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Giit naman ng Regional Director na mas lalo pang paiigtingin ng PRO 12 ang kampanya laban sa ilegal na droga para mapanatiling maayos at ligtas ang rehiyon sa anumang uri ng kriminalidad, terorismo at insurhensiya na hadlang sa pagkamit ng kapayapaan at kaunlaran sa ating pamayanan.
Panulat ni Patrolman Khnerwin Jay A Medelin
