Bacoor City, Cavite – Tinatayang Php136,000 na halaga ng shabu ang nasabat sa limang suspek sa ikinasang buy-bust operation ng Bacoor City PNP nito lamang Martes, Agosto 30, 2022.
Kinilala ni Police Lieutenant Colonel Gilbert Cruz, Officer-In-Charge ng Bacoor City Police Station, ang mga suspek na sina Teddy Ruiz, 41; Rosalyn Gamba, 24; Jose Billen, 55; Redentor Lontoc, 34; pawang mga residete ng Brgy. San Nicholas 3, Bacoor, Cavite at Albert Baclayo, 43, residente naman ng Brgy. Molino 6, Bacoor, Cavite.
Ayon kay PLtCol Cruz, bandang 11:00 ng gabi naaresto ang mga suspek sa Brgy. San Nicolas 3, Bacoor City, Cavite ng mga operatiba ng Special Drug Enforcement Unit ng Bacoor City Police Station.
Nasabat sa mga suspek ang 10 pirasong heat-sealed transparent plastic sachets na naglalaman ng hinihinalang shabu na tumitimbang ng 20 gramo at tinatayang nagkakahalaga ng Php136,000, dalawang pirasong Php100 bill na ginamit bilang buy-bust money at isang coin purse.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang PNP ay lalo pang paiigtingin ang laban kontra droga at iba pang krimen upang manatiling ligtas at maayos ang mamamayan sa komunidad.
Panulat ni Police Executive Master Sergeant Joe Peter Cabugon
